Palabras de auga. Léxico-1

Chantada. "A lanza fica chantada na terra". espetada, metida. deitada. tombada.

Encrequenado. "Encrequenado cos seus compañeiros arredor". agachado cos xeonllos dobrados. sentado no chan. tremendo de friaxe.

Gorecer. "Que se gorezan á sombra da espiñenta acacia". protexerse, refuxiarse. gozar de. deitarse a durmir.

Folgos. "Non se detiveron a coller folgos. Nin miraron atrás". forzas, azos. figos chumbos. croios.

Abelorios. "O vento abanea os abelorios de óso pendurados no extremo da lanza". adornos. puntas. reforzos.

Enfeite. "No seu clan hai tempo que as lanzas son case un enfeite máis". ornamento, adorno. bastón, caxato. ferramenta.

Piollenta. "A súa pel, un chisco piollenta, cruza agora o peito do afouto xefe". con manchas escuras (normalmente da humidade). con buracos da traza. inzada de piollos.

Pairar. "Os paxaros de todas as cores pairando no ceo...". sosterse no aire coas ás estendidas. pór ovos dende o aire. orientarse no aire.

Parco. "O seu pai era un home parco, de poucas palabras e de moitos silencios". moderado, escaso. de pouco limpeza. fraco, esfameado.

Muxir. "Muxir as cabuxas, gabear polas árbores...". tirarlle o leite. chamalas facendo mu. son que fan as cabuxas.

Agochar. "Cre que se agocha esas palabras (...), o seu recordo ficará a salvo". gardar nun lugar oculto, esconder. esquecer. poñer por escrito.

Achar. "Non tardamos moito en achar as súas pegadas". atopar. borrar. seguir.

Rexoubeira. "Iso son contos de vellas rexoubeiras". bromista, murmuradora. vendedora de xoubas. contacontos.

Cavilar. "Logo cavilou que se ningún deles vira o mar (...), ninguén podería afirmar...". pensar, reflexionar. negar. dubidar.

Pendurar. "Acariña o amuleto que pendura do seu pescozo". colgar. tatuar. pegar.

Suíña. "Axexa para botarse sobre el (...) como unha fera suíña e cruel". ruín, traidora. sucia, porca. babexante.

Escorregar. "A terra escorrega entre os seus dedos". escorrer, esvarar. manchar. sosterse.

Manancial. "Regresaba (...) de coller auga do manancial". lugar onde nace auga. depósito onde se garda auga. tenda onde se vende auga.

Remol. "Pasou de ser branca a cinsenta coma o remol dunha fogueira". brasa que se conserva entre a cinsa. parte moi mol. borralla apagada.

Arrepío. "A maioría dos rostros mostraban arrepío". espanto, medo. catarro. indiferenza.